2 menor de edad sa Negros Occidental, sugatan matapos masabugan ng firecrackers

BACOLOD CITY – Dalawang menor de edad sa Negros Occidental ang sugatan makaraang masabugan ng paputok kahapon.

Dakong alas-4:20 kahapon ng hapon nang masabugan ng boga ang mata ng 12-anyos mula sa Brgy. Nato sa bayan ng La Castellana.

Sa impormasyong nakalap ng Bombo Radyo Bacolod, sinilip ng biktima ang dulo ng boga at nasabugan ang mata nito.

Samantala, ilang minuto ang nakalipas, nasabugan naman ang 14-anyos mula sa Purok Pag-asa, Brgy. Estefania lungsod ng Bacolod.

Batay sa impormasyon, pinulot ng biktima ang isang firecracker at bigla na lamang itong sumabog.

Dahil dito, nagtamo ng sugat sa kanang mata at kaliwang kamay ang 14-anyos.

Kapwa dinala ang dalawang menor de edad sa Corazon Locsin Montelibano Memorial Regional Hospital.