CENTRAL MINDANAO-Nahuli sa inilunsad na drug buybust operation ng mga otoridad ang dalawa umanong drug pusher sa probinsya ng Cotabato.
Nakilala ang mga suspek na sina Buhari Katugan Edris alyas Tolaw,31 anyos,binata at Reybodin Macadatu Biang,28,mga residente sa bayan ng Pikit North Cotabato.
Ayon kay Pikit Chief of Police,Captain Mautin Pangandigan na naglunsad sila ng buybust operation katuwang ang Philippine Drug Enforcement Agency (PDEA-12) sa Brgy Inug-ug Pikit Cotabato.
Nang akma nang i-abot ng mga suspek ang droga sa asset ng PDEA-12 ay doon na sila hinuli.
Narekober sa posisyon ng dalawang drug pusher ang ilang pakete ng shabu at mark money.
Sa ngayon ay nakapiit ang dalawa sa lock up cell ng Pikit MPS at nakatakdang sampahan ng kasong paglabag sa Republic Act 9165 o comprehensive dangerous drug act of 2002.
