LAOAG CITY – Arestado ang dalawang lalaki matapos ang magkahiwalay na drug buybust operation dito sa lalawigan.
Unang nahuli si Mr. William Salinas sa Barangay Sangladan sa bayan ng Paoay matapos makabili ang nagpanggap na police pusuer buyer ng dalawang sachet ng iligal na droga na nagkakahalaga ng dalawang libong piso.
Maliban dito, nakuha pa sa bulsa ni Salinas ang dalawa pang sachet ng iligal na droga.
Iginiit naman nito na hindi siya nagbebenta ng droga at matagal na niyang itinigal ang paggamit nito.
Samantala, nahuli rin ang isang construction worker matapos makabili rin ng police pusuer buyer ng isang sachet ng droga sa kanya sa Barangay Sta Cruz sa bayan ng Badoc.
Nakilala ito na si John Lawrence Lacuesta, 24, isang construction worker at residente sa naturang barangay.
Sinabi ni Police Major Joseph Tayaban, ang chief of police ng PNP-Badoc na nakuha pa kay Lacuesta ang tatlong sachet ng umano’y iligal na droga.
Haharap naman sa kasong paglabag sa RA 9165 ang mga suspek.
