Dalawa ang patay habang isa ang sugatan sa insidente ng pananaksak, na naganap kaninang alas-3:00 ng madaling araw sa labas ng isang beer house sa Makati City.
Batay sa report ng Makati police nangyari ang insidente sa may bahagi ng Chino Roces Avenue at Ponte Street ng Barangay Sta. Cruz.
Nakilala ang dalawang biktima na sina Locre Mabini at Kamyar Octavio na nagtamo ng mga tama ng saksak sa ibat ibang bahagi ng katawan.
Idiniklarang dead on the spot ang dalawang biktima.
Habang, inoobserbahan naman sa ospital ang isa pang biktima na si Teodoro Laguer.
Sa inisiyal na imbetsigasyon ng pulisya na agawan sa pagkanta sa videoke ang dahilan ng insidente kung saan naka-away ng mga biktima ang isang grupo.
Patuloy ang isinasagawang imbestigasyon ng mga pulis hinggil sa pangyayari at pinaghahanap na ang mga nakatakas na suspek.
