CENTRAL MINDANAO-Patay ang dalawang katao nang magbanggaan ang kanilang sinasakyang motorsiklo sa probinsya ng Cotabato.
Nakilala ang mga nasawi na sina Musaiden Ricor, 17 anyos at Allan Gumaway,25,mga residente ng Brgy Dado Alamada North Cotabato.
Ayon sa ulat ng pulisya sa bayan ng Alamada na sakay ng motorsiklo si Gumaway sa Sitio Dulao Brgy Dado Alamada North Cotabato nang makasalubong nito ang nagkarerahan ng mga kabataan (drag race).
Isa sa mga drag racer na si Musaiden Ricor ang bumangga ang bumangga sa kasalubong nitong motorsiklo na minamaneho ni Gumaway.
Kapwa dinala ang mga biktima sa Cotabato Regional and Medical Center (CRMC) sa Cotabato City ngunit binawian rin ng buhay.
Hiniling ng mga residente sa Brgy Dado Alamada Cotabato sa pulisya na hulihin ang mga nagdradrag-race na karamihan ay mga menor de edad sa naturang lugar.
Sa ngayon ay nagpapatuloy ang imbestigasyon ng mga otoridad sa naturang pangyayari.
