-- Advertisements --
Dalawa patay habang tatlo ang sugatan sa naganap na vehicular accident sa southbound lane ng North Luzon Expressway kaninang alas-5:00 ng madaling araw sa may bahagi ng Lawang Bato.
Batay sa report, bumangga sa rear-end ng 14-wheeler truck ang isang passenger van.
Kaagad namang naisugod sa Valenzuela General Hospital ang limang pasahero ng van subalit dalawa dito ang idiniklarang dead on arrival, isang babae at lalaki.
Kasalukuyang ginagamot ngayon sa hospital ang tatlong sugatan kabilang ang driver ng van.
Habang nasa kustodiya na ngayon ang driver ng truck at patuloy ang isinasagawang imbestigasyon kaugnay sa sanhi ng aksidente.
