Dalawa patay kabilang na ang isang buntis matapos sinalpok ng jeep ang trisikel sa Iloilo
ILOILO CITY- Dalawa patay kabilang na ang isang buntis matapos sinalpok ng jeep ang kanilang sinasakyang trisikel sa National Highway sa Brgy. Capuling Dueñas, Iloilo.
Dead on arrival sa ospital ang mga biktima na sina Lorence Gautea, 33, driver ng trisikel at Mel Pama 36, pitong buwang buntis at pawang residente ng Barangay Monpon, Dueñas, Iloilo.
Sa eksklusibong panayam ng Bombo Radyo Iloilo kay Major Jose Rey Pabalan, hepe ng Dueñas Municipal Police Station, sinabi nito na nagmula ang jeep na sa Iloilo City na minamaneho ni Arvin Zerrudo at papunta sana sa Roxas City ng mangyari ang aksidente.
Anya, bigla na lang nag-overtake si Zerrudo sa sinusundang 10-wheeler truck at hindi na nakita ang paparating na trisikel.
Maliban dito, sinalpok rin ni Zerrudo ang wing van truck.
