CAGAYAN DE ORO CITY – Nagkarambola ang tatlong sasakyan na kinabibilangan ng isang cargo truck sa Purok 3, Kinura, Kalilangan, Bukidnon.
Base sa imbestigayon ng mga pulis, nag-overtake ang cargo truck na minamaneho ni Leopoldo Almo at nahagip nito ang isang motorsiklo at nadamay ang isa pa.
Mabilis na dinala sa ospital ang napuruhang motorsiklo driver na si Kem Marnel Abaquita, residente sa Spring Village, Pangantucan, Bukidnon ngunit hindi na ito umabot nang buhay.
Habang nagbanggaan naman sa Maramag, Bukidnon ang Toyota Hilux na minamaneho ni Delailah Bantilan, 35, at Kumong-Kumong truck na minamaneho ni Arsenio Madrelejos na nakatira sa Wao, Lanao del Sur.
Binawian naman ng buhay ang driver ng truck sa naturang insidente.
Inihanda na ang kasong isasampa laban sa mga may kasalanang driver.
