CENTRAL Mindanao – Kapwa binawian ng buhay ang mga driver ng dalawang motorsiklo sa vehicular accident sa probinsya ng Cotabato.
Nakilala ang mga nasawi na sina Hermigildo Buenaflor at si Nilo Sangco na mga residente sa bayan ng President Roxas, Cotabato.
Ayon sa ulat ng President Roxas PNP na galing si Buenaflor sa town proper na nanood ng mga Christmas lights decoration at papauwi na sakay ng motorsiklo angkas ang kanyang asawa at anak.
Ngunit pagsapit nila sa bahagi ng Brgy Labuo ay nakabangga nito ang kasalubong na motorsiklo na menamaneho ni Sangco.
Naisugod pa ang mga sugatan sa ospital pero ideneklara rin itong dead on arrival ng mga doktor.
Sinabi ng ilang residente na wala umanong ilaw ang motorsiklo na minamaneho ni Buenaflor kaya nakabangga nito ang kasalubong na motor.
Sa ngayon ay nagpapatuloy ang imbestigasyon ng President Roxas PNP sa naturang pangyayari.
