ROXAS CITY – Patay ang isang pulis habang isa ang sugatan sa nangyaring aksidente sa Sitio Cabcaban, Barangay Fulgencio, Balete, Aklan.
Ang namatay na pulis ay kinilalang si Patrolman Genesis Javil, 25, ng Barangay Camburanan, Tapaz, Capiz, at ang angkas nito sa motorsiklo na sugatan ay kinilala naman na si Patrolman Michael Handoy, 25, ng Agsirab, Dumarao, Capiz, parehong assigned sa Police Community Precinct 2, Malay, Aklan.
Base sa report ng Balete PNP, nanggaling ang dalawa sa Capiz habang nagmo-motor at pabalik na sana sa bayan ng Malay nang mawalan ng kontrol sa pagmamaneho si Javil pagdating sa kurbadang kalsada at doon naganap ang aksidente.
Dahi dito, sumemplang ang mga ito sa kalsada at kapwa nagtamo ng pinsala sa katawan.
Agad naman silang dinala sa ospital, subalit binawian ng buhay si Javil habang ginagamot at out-patient si Handoy.
