TACLOBAN CITY – Sugatan ang dalawang kapulisan matapos na manlaban ang mga suspek sa isinagawang anti-illegal logging entrapment operation sa
Brgy. San Rafael, Taft, Eastern Samar.
Kinilala ang mga biktima na sina PCpl Jerome Ortega at Pat Bernardino Julius Magsambol Jr., pareho mga PNP personnel at RSOG8 Member.
Samantala kinilala ang mga suspek na sina: Jury Recto; residente ng Brgy. San Rafael Taft, Certain @ Berting Loriaga; residente ng Brgy. Binaloan Taft at Romeo Recto, residente ng Brgy. San Rafael, Taft, Eastern Samar.
Ayon kay PCap. Silvano Soteraña, Hepe ng Taft MPS, na nagsagawa ng entrapment operation ang mga kapulisan na kung saan ang isa dito ay nagpanggap na local buyer ng ‘Agarwood’.
Nakatunog naman ang suspek na pulis ang kaniyang ka transaksyon na kung saan kaagad ito na bumunot ng baril at pinagbabaril ang mga kapulisan.
Kaagad naman na gumanti ng pagpapaputok ang mga otoridad at nabaril pa ang isa sa mga suspek samantala nakatakas naman ang dalawang kasama nito.
Patuloy naman ang isinasagawang hot pursuit operation ng mga kapulisan laban sa naturang mga suspek.
