2 Senior Citizen patay sa vehicular accident sa Aleosan Cotabato

CENTRAL MINDANAO-Binawian ng buhay ang dalawa katao sa vehicular accident sa probinsya ng Cotabato.

Nakilala ang mga biktima na sina Remedios ferenal Gornez, Guro ng Nalapaan Elementary School, Nalapaan, Pikit at si pastor George Bato Gornez ,kapwa nakatira sa Midsayap Cotabato.

Ayon sa ulat ng Aleosan PNP na lulan ang mga biktima sa isang motorsiklo papauwi na sa kanilang tahanan mula sa paaralan ngunit pagsapit nila sa bahagi ng national highway sa Barangay Pagangan Aleosan Cotabato ay nabangga ito ng Hilux pickup na may plakang NGA 1696.

Tumilapon ang mag-asawa sa kanilang motorsiklo at on the spot na nasawi.

Agad namang sumuko sa pulisya ang driver ng pickup at sasampahan ng kaukulang kaso.