2 silid-aralan sa Kidapawan City nasunog

CENTRAL MINDANAO-Nagliyab ang malaking apoy sa Isidoro Lonzaga Memorial Elementary School sa Brgy Magsaysay Kidapawan City.

Sinubukan pa na apulahin ng mga guro at mga residente sa lugar ang apoy ngunit hindi na ito naagapan pa.

Naabo ang dalawang silid-aralan ng Grade 4 at grade 5 ng Isidoro Lonzaga Memorial Elementary School.

Kasama rin sa tinupok ng apoy ang isang TV, Cieling Fan ,printer at mga personal na kagamitan ng mga guro.

Sa ngayon ay nagpapatuloy pa ang imbestigasyon ng City Fire Bureau ng Kidapawan City sa nangyaring sunog sa Isidoro Lonzaga Memorial Elementary School.