ROXAS CITY – Sugatan ang dalawang pasahero kabilang na ang isang taong gulang na bata matapos nahulog sa bangin ang tricycle sa Sitio Baclayan, Barangay Tuburan, Maayon, Capiz.
Sugat sa katawan ang natamo ng mga biktimang sina Rino Baclas, 27, ng Carles, Iloilo at isang taong gulang na bata na nagtamo ng sugat sa ulo at patuloy na ginagamot sa ospital.
Lumalabas sa imbestigasyon ng Maayon PNP na papunta sa Barangay Duluan, Maayon ang tricycle na minamaneho ni Jocel Billaco kasama ang asawang si Gina Billaco, dalawang menor de edad na anak at magkapatid na sina Rey at Rino Baclas na ihahatid sana nila paramagtrabaho sa maisan ng makasalubong ang isang pick up.
Huminto ang tricycle ng mga biktima ngunit hindi inaasahan na bumangga ito sa puno ng bayabas.
Bumaba sa tricycle ang driver ng maramdaman na parang mahuhulog ang sidewheel sa bangin.
Ngunit kasunod ng kanyang pagbaba ang pagkahulog ng tricycle sa bangin.
Maswerte dahil dalawa lamang sa anim na sakay ng tricycle ang nasugatan sa pangyayari.
