2 sugatan matapos saksakin ng kanilang kainuman

ROXAS CITY – Sugatan ang dalawang lalaki matapos pinagsasaksak ng kanilang kasama sa inuman sa Sitio Gabuk, Barangay san Miguel Ilaya, Tapaz, Capiz.

Nagtamo ng sugat sa katawan ang mga biktima na sina Hervin Galaez, 46 at Ernie Suñe, 31.

Magkasamang uminom ang mga biktima at ang suspek na si Leone Galaez sa bahay ni Roderick Galaez.

Nasa kalagitnaan ng inuman ang grupo ng biglang nagkasagutan ang mga biktima at si Galaez.

Hindi inaasahan biglang inundayan ng saksak ng suspek ang mga biktima na patuloy na ginagamot sa ospital.

Samantala nadakip naman ng mga otoridad si Galaez na ngayon ay nakakulong sa bilangguan.