CENTRAL MINDANAO-Dalawang mga mangingisda ang malubhang nasugatan ng masabugan ng mga dinamita sa lungsod ng Cotabato.
Nakilala ang mga biktima na sina Datu Matabalao at Maddy Matabalao,mga residente ng Purok 5 Mother Barangay Kalanganan Cotabato City.
Ayon sa ulat ng pulisya,lulan ang mga biktima sa kanilang Bangka de motor sa Bucana area sa syudad ng Cotabato karga ang mga dinamita na gagamitin sana nila sa pangingisda sa laot.
Ngunit aksidenteng sumabog ang mga eksplosibo at malubhang nasugatan ang dalawang mga mangingisda.
Agad dinala ang mga sugatan sa Cotabato Regional and Medical Center (CRMC) at pawang nasa masilang kondisyon nang magtamo ng maraming tama sa ibat-ibang parte ng kanilang katawan nang sumabog ang nilang mga dinamita.
Sa ngayon ay nagpapatuloy ang imbestigasyon ng City PNP at Maritime Police sa naturang pangyayari.
