-- Advertisements --
COTABATO CITY — Dalawa (2) ang sugatan matapos na barilin ng mga suspetsado na sakay ng dalawang motor sa Barangay Midpapan 2 sa bayan ng Pigcawayan ngayong gabi.
Sa inisyal na ulat na nakalap ng Star FM News Team, kinilala ang mga sugatan na sina Rogelio Lorenzo at isang nagtataglay ng alyas na Bentong.
May inaayos lang sa machine shop sa nasabing lugar ang mga biktima ng barilin ng mga suspek na nakamotorsiklo.
Sa ngayon nagpapagaling na sa bahay pagamutan ang dalawang biktima at patuloy namang tinutugis ang mga suspetsado na tumakas.
