BUTUAN CITY – Huli ang dalawang personalidad sa ikinasang anti-illegal drug operation kaninang alas 9:00 ng umaga sa isang boarding house sa may Purok-8, Barangay JP Rizal, Butuan City.
Nakilala ang mga naaresto na sina Rommel Jakosalem Redoblado, 40-anyos, may live-in partner na lumad na taga Purok-5, Barangay Calabayan, Ozamis City, Misamis Occidental, at siyang subject ng operasyon.
Dinakip naman ang naabutan sa kaniyang kwarto na si Jake Randy Saubon, kapatid sa live-in partner ng target na taga Purok-5, Barangay 2 sa bayan ng Buenavista, Agusan Del Norte.
Nakuha sa posisyon sa target ang tatlong sachet na may lamang pinaniniwalaang shabu habang isang sachet naman sa bisita lang na si Saubon na inilagay sa keypad ng kaniyang cellphone.
Tinatayang aabot sa tatlong gramo ang nakuhang droga na may market value na P35,400.
Kasama pa sa nakuha ang mga illegal drug paraphernalia, cellphone at cash na mahigit dalawang libong piso.
Ang nahuling mga suspek kasama na ang nakuhang mga bagay ay dinala sa Butuan City Police Station o BCPS-1 para sa tamang disposasyon.
