Nasa 226 Police SAF Commandos ang idineploy ng liderato ng PNP sa Eastern Visayas.
Ito ay bilang parte sa pagpapalakas pa ng PNP sa internal security and anti-criminality operations sa nasabing rehiyon.
Ayon kay Sinas, magsisilbing augmentation force sa PRO-8 ang mga nasabing SAF troopers na tutulong sa anti-insurgency at counter-terrorism operations sa region 8.
Personal na pinangunahan ni PNP Chief ang graduation rites ng 226 commandos matapos sumailalim sa anim na buwang training.
Ilang members din ng PMA Class of 1988 ang naging honorary graduates ng SAF Commando Course.
Idi-deploy ang mga SAF troopers sa Forward Operating Bases ng PNP-SAF sa Eastern Visayas kung saan ongoing ang internal security operations laban sa NPA.
Iniulat din ng PNP na isang SAF trainee na si Patrolman Marvin Allata nasawi sa kasagsagan ng test mission sa Barangay Mabini, Basey, Samar kung saan sinaksak ito ng isang indibidwal na may bitbit na home-made shotgun, at naaresto naman ang suspek.
