-- Advertisements --
TUGUEGARAO CITY- Hindi na pinayagan na makabalik pa sa kanilang bahay ang mga residente sa 23 bahay sa Abulug, Cagayan.
Sinabi ni Bernard Ojano ng MDRRMO Abulug na ito ay dahil sa posibleng gumuho ang lupa na kinatitirikan ng mga nasabing bahay na malapit sa ilog lalo na at may paparating na naman na bagyo.
Ayon kay Ojano, 23 na ang gumuho at naanod sa ilog.
Matatandaan na nakaranas ng matinding pagbaha ang Abulug nitong nakalipas na linggo dahil sa halos isang linggong pag-ulan.
