-- Advertisements --
NAGA CITY – Tinatayang nasa 55 plastic sachet ng pinaniniwalaang shabu ang nakumpiska ng mga otoridad sa isinagawang buy-bust operation sa Pasacao, Camarines Sur.
Kinilala ang mga suspect na sina Herwin Alabat, 40, ng Libmanan Camarines Sur; Edison Balingasa, 38, ng Pasacao; at si Rosalio Milanay, 37.
Sa panayam ng Bombo Radyo Naga kay PCpt. Maria Victoria Abalaing, hepe ng Pasacao PNP, sinabi nito na si Milanay lamang sana ang pakay ng mga otoridad ngunit naaktuhan na rin ng mga ito na nakikipagtransaksyon si Alabat at si Balingasa.
Sa ngayon nasa kustodiya na ng mga otoridad ang nasabing mga suspek habang patuloy namang pinaghahanap si Jordan Dela Rosa na umano’y nakatakas habang isinasagawa ang nasabing operation.
