-- Advertisements --
KORONADAL CITY- Patay na nang matagpuan sa gilid ng ilog ang tatlong binatilyo sa bahagi ng Brgy. Sulit , Polomolok.
Kinilala ng Polomolok PNP ang mga biktima na sina Carlyn Lord Hueler, Jayson Endencio at Eron James Benosa.
Pinaniniwalaang biktima ng summary execution ang mga nasawi dahil nakagapos at may mga tama ng bala sa ibat-ibang bahagi ng kanilang katawan ang mga ito.
Lumabas sa imbestigasyon ng pulisya na pumunta ng T’boli ang mga biktima kahapon ngunit hindi na naka-uwi pa.
Posible umanong napagkamalan na confidential informants o assets ng gobyerno ang mga biktima.
Sa ngayon ay may may sinusundan nang grupo ang pulisya na responsable sa pamamaslang.
Hustisya naman ang sigaw ng mga pamilya ng mga biktima.
