-- Advertisements --
Nagtala ng record-high sa mga namatay sa loob ng isang araw dahil sa coronavirus disease o COVID19 ang tatlong estado sa Europa.
Sa Italy ay mayroong 368 ang nasawi at may kabuuang 1,809 na ang death toll, habang sa Spain ay mayroong 97 ang nadagdag na mayroon nang 288 at ang France ay mayroong 28 deaths sa loob din ng isang araw kung saan meron na silang 120 mga namatay.
Sa United Kingdom ay mayroong bagong 14 na pagkamatay na may total na 35.
Dahil dito ay gumagawa na ng iba’t-ibang paraan ang mga gobyerno ng bansa para tuluyang mabawasan ang bilang ng mga nadadapuan ng virus.
Gaya sa Germany ay isinara nila ang borders sa France, Switzerland, Austria, Denmark at Luxembourg habang sa Portugal ay isinara rin ang border sa Spain.
