3 huli sa magkahiwalay na drug raid sa Cotabato City

COTABATO CITY – Arestado ang tatlong drug suspects sa tatlong magkahiwalay na drug buy bust operation ng Police Station 1 sa Cotabato City.

Unang nadakip si Ale Matabalao Elian, sa Purok Palimba, RH-3, habal-habal driver dakong alas-kwatro ng hapon kahapon.

Sinundan ito ni Juhari Salem Maguindanao, nahuli ito sa Palma St. Poblacion 6, at pagsapit naman ng alas-10:30 ng gabi, naaresto naman si Salindatu Pasagui, 37, sa Purok 6, Bagua 3.

Ayon sa report, napagbentahan umano ng tatlong suspek ang mga police na nagpanggap na buyer.

Nakuha sa kanila ang pakete ng suspected shabu, at marked money na ginamit sa operasyon.

Sa ngayon ay nahaharap na sa kasong paglabag sa RA 9165 o Comprehensive Dangerous Drugs Act of 2002 ang mga suspek.