LEGAZPI CITY- Matapos ang higit sa isang buwan na paghahanap ng mga otoridad ay na-recover na ang tatlong indibidwal na umanoy dinukot ng Conception criminal gang sa Sitio Tagbac, Barangay Macabugos, Libon, Albay.
Ayon kay Police Captain Victor Borjal, officer in charge ng Libon Municipal Police Station sa panayam ng Bombo Radyo Legazpi halos kalansay na lamang ang na-recover nilang mga biktima na pinugutan rin ng ulo ng naturang grupo.
Kabilang sa mga biktima ang isang 10-anyos, 11-anyos at isang 44-anyos na lalaki.
Positibo aniyang kinilala ng pamilya ng mga biktima ang katawan ng mga ito sa pamamagitan ng kanilang suot na damit subalit sinabi ng opisyal na isasailalim pa sa forensic test ang mga ito ipang makuha ang DNA.
Nabatid na isang magkakahoy ang nakadiskubre sa kalansay ng mga biktima na itinapon sa isang bangin.
Ayon kay Borjal, posibleng nadamay lamang ang dalawang bata sa naturang krimen.
Samantala, sinabi ng naturang hepe na layunin ng grupo na magdulot ng takot sa bayan ng Libon kaya nanawagan ito sa publiko na itigil na nag pagsuporta sa naturang criminal gang.
