-- Advertisements --
BAGUIO CITY – Nadakip ang tatlong indibidwal pagkatapos maaktuhan ang mga ito na nagpapasabong ng mga manok sa Puguis, La Trinidad, Benguet.
Nakilala ang mga ito na si Danny Booy, 56, may asawa at residente ng Puguis, La Trinidad, Alex Sikel Sagayo, 25, binata at residente ng Shilan, La Trinidad at si Roly Leo Luis, 52 at residente ng Sabkil, Itogon, Benguet.
Narekober sa mga nahuling suspek ang apat na tandang na pangsabong at P500 na pusta.
Nasa kustodiya na ng CIDG ang mga suspek at nahaharap ang mga ito sa kasong paglabag sa PD 449 o Anti-cockfighting Law.
