-- Advertisements --
CENTRAL MINDANAO- Tatlong Sattelite Camps ng Dawlah Islamiyah Terror Group ng Bangsamoro Islamic Freedom Fighters (BIFF) ang nakubkob ng militar sa lalawigan ng Maguindanao.
Ayon kay 6th Infantry (Kampilan) Division Chief at Joint Task Force Central Commander Major/General Juvymax Uy na nakubkob ng mga sundalo ang dalawang kampo ng BIFF sa bayan ng Ampatuan at isa sa Datu Hoffer Ampatuan Maguindanao.
Narekober sa mga kampo ng BIFF ang samot saring mga pampasabog,ISIS flag at sangkap sa paggawa ng Improvised Explosive Device (IED).
Umakyat na rin sa 11 ang nasawi sa mga terorista at dalawa sa militar.
Sa ngayon ay pinaigting pa ng Joint Task Force Central ang inilunsad na focused military operation laban sa BIFF sa Maguindanao.
