-- Advertisements --
KORONADAL CITY – Patay ang tatlong miyembro ng Dawlah Islamiyah makaraan umanong manlaban sa mga pulis sa isinagawang implementasyon ng warrant of arrest sa bayan ng Polomolok, South Cotabato.
Sa nanging panayam ng Bombo Radyo Koronadal kay PCpt. Rommel Hitalia, deputy chief of police ng Polomolok PNP, habang papunta na sa pamamahay ng suspek na kinilalang si Tho Catucan ang mga pulis upang isilbi ang warrant of arrest, bigla na lamang daw silang pinaputukan ng mga kasamahan nito.
Dahil sa pangyayari, agad namang gumanti ng putok ang mga operatiba na naging dahilan ng kamatayan ni Catucan at dalawang pa nitong kasamahan.
Sa ngayon, nagpapatuloy pa ang hot pursuit operation sa dalawa pa nitong kasamahan na nakatakas.
