-- Advertisements --
BAGUIO CITY – Arestado ang tatlong indibidwal dahil sa iligal na sugal sa Palma Ville, Puguis, La Trinidad, Benguet.
Nakilala ang mga ito na sina Allan Garcia Besic, 35 anyos; Eugene Nabawil Sacay, 32 anyos; at Rolito Belino Parao, 28 anyos, kapwa residente ng La Trinidad, Benguet.
Batay sa report, naaktuhan ng mga otoridad ang paglalaro ng mga suspek ng Lucky 9 sa nasabing lugar.
Nagresulta ito sa pagkakaaresto sa mga suspek at pagkakumpiska ng P2,600 na bet money, baraha at iba pang gambling paraphernalia.
Sa ngayong, nahaharap na ang mga suspek sa kasong paglabag sa Presidential Decree 1602.
