CENTRAL MINDANAO-Isinara ng tatlong oras ang kalsada sa bayan ng Datu Blah Sinsuat Maguindanao sa natagpuan na mga pampasabog.
Ayon sa ulat ng Datu Blah Sinsuat PNP na tumanggap sila ng impormasyon sa iniwang mga pampasabog sa Barangay Pura Datu Blah Sinsuat Maguindanao.
Agad isinara ng mga otoridad ang kalsada para masiguro ang kaligtasan ng mamamayan.
Sa ginawang clearing operation ng pulisya, militar at mga tauhan ng Explosive Ordnance and Disposal Team narekober nila ang tatlong Granada sa gilid ng kalsada.
Posibling target ng mga iniwang pampasabog na ginawang Improvised Explosive Device (IED) ang mga opisyal ng bayan,militar at pulisya.
Nagpulong agad ang militar,pulisya at LGU sa pangunguna ni Datu Blah Sinsuat Mayor Marshall Sinsuat hinggil sa naturang pangyayari.
