CENTRAL MINDANAO – Tatlo ang nasawi nang araruhin ng van ang isang motorsiklo dakong alas-7:02 kagabi sa probinsya ng Cotabato.
Nakilala ang mga binawian ng buhay na sina Conchita Cabana Buenaventura, 48, may asawa; Efren Pacheca Magdato, driver ng motor, at si Ken Fuentes, 3.
Habang sugatan naman si Aldrin Jay Caluna Cabana.
Ang mga biktima ay pawang mga residente ng Barangay New Rizal, M’lang, North Cotabato.
Ayon sa ulat ng M’lang PNP, sakay ang mga biktima sa isang motorsiklo ng bigla silang araruhin ng isang D4D van sa Brgy New Rizal.
Tumilapon ang mga biktima sa motorsiklo kung saan patay on the spot si Buenaventura, dalawa ang nasawi sa pagamutan.
Tumakas ang driver ng van at hanggang ngayon ay pinaghahanap ng pulisya.
Nagpapatuloy pa rin naman ang imbestigasyon ng mga otoridad.
