Patay ang dalawang sundalo at nadamay ang 2-anyos na bata matapos ang naganap na pananambang ng Abu Sayyaf Group (ASG) sa Barangay Kagay sa Talipao, Sulu.
Sa isinagawang imbestigasyon, lulan ng motorsiklo ang dalawang sundalo at habang binabagtas ang kahabaan ng Patikul-Talipao ay doon na sila pinagbabaril hanggang mapatay ng mga rebeldeng grupo.
Nadamay din ang dalawang bata na edad 2 at 11 anyos.
Itinakbo ang dalawang bata sa pagamutan subalit pumanaw na ang 2-anyos na bikitma.
Sinabi ni Major General Corleto Vinluan Jr, ng Joint Task Force Sulu, na labis nilang ikinalungkot ang pagpatay sa dalawang sundalo lalo na ang pagkadamay pa ng minor de edad.
Nanawagan din nito sa mga Tausug community na huwag matakot sa ginagawang pang-hahasik ng mga rebeldeng grupo.
Mariing kinondina naman ni Lieutenant General Cirilito Sobejana, commander ng Western Mindanao Command, ang nasabing pangyayari.
