CENTRAL MINDANAO-Binawian ng buhay ang tatlo katao at tatlo ang sugatan sa vehicular crash sa probinsya ng Cotabato.
Nakilala ang mga nasawi na sina Jojie Dueñas, driver ng kulay pulang Toyota Vios at ang kanyang anak na si Kia Dueñas,5 anyos,mga residente ng Midsayap Cotabato.
Binawian din ng buhay si Jone Condes na isa sa mga pasahero ng forward truck at nakatira sa bayan ng Alamada Cotabato.
Ayon sa ulat ng Alamada PNP na nawalan umano ng brake ang forward truck at inararo nito ang kasalubong na kotse sa bahagi ng Sitio Dry Creek Barangay Kamansi Alamada Cotabato.
Wasak ang unahang bahagi ng Toyota Vios at bumaliktad naman ang forward truck sa gilid ng kalsada.
Naisugod sa pagamutan ang mga biktima ngunit tatlo nito ang nasawi at tatlo naman ang nagpapagaling sa kanilang sugat.
Paalala ng mga otoridad sa mga driver na mag-ingat sa pagmamaneho at siguraduhing kondisyon ang sasakyan para iwas disgrasya.
