Tatlo patay habang 32 ang arestado sa magdamag na anti-illegal drug operations na inilunsad ng Cavite Police Provincial Office.
Ito ay mula alas-6:00 ng umaga kahapon May 26 hanggang alas-6:00 ngayong umaga ng May 27,201218
Sa report na inilabas ni PRO-Calabarzon regional police director, CSupt. Guillermo Elezar nasawi ang tatlong indibidwal sa tatlong magkahiwalay na operations.
Isa dito ang pagpapatupad ng search warrant sa may Stateland Hills, Henry St., Brgy. Manggahan, Gen Trias City, Cavite kung saan nanlaban ang suspek.
Ikalawa ang isinagawang buy bust operations sa may Villa Esperanza, Brgy. Molino 2, Bacoor City at sa may Brgy. Paliparan, Dasmarinas, Cavite kung saan patay ang suspek na nakilalang si alias Dodi Daga.
Bukod sa tatlong nasawing drug suspek, arestado naman ang 32 pang iba na mga drug personalities mula sa ibat ibang barangay sa probinsiya ng Cavite.
