3 sugatan sa karambola ng mga sasakyan, tricycle sa Roxas City

ROXAS CITY – Sugatan ang tatlong katao sa pagkarambola ng mga sasakyan at tricycle sa Roxas Avenue, Roxas City.

Nagtamo ng sugat sa iba’t ibang bahagi ng katawan ang driver ng tricycle na si Alexander Aroncena at mga pasahero na sina Esmaelita Agudo at Emerryl Casipe.

Lumalabas sa imbestigasyon ng Roxas City PNP na huminto ang tricycle para mag-unload ng pasahero ngunit aksidente itong nabangga ng sasakyan ng isang doktor na si Julius Arches.

Dahil sa impact ng pagkabangga sa tricycle ay nabangga rin nito ang naka-park na sasakyan sa gilid ng karsada.

Samantala kaagad na dinala sa ospital ang mga biktima at inako naman ng doktor ang lahat ng gastusin sa pagpapagamot sa kanila.