BAGUIO CITY – Arestado ang tatlong top most wanted persons ng Baguio City Police Office.
Batay sa report, unang naaresto ang hinihinalang kasapi ng Rio Jamica Tacadena Criminal Gang na si Shanen Soro.
Itinuturing itong No. 1 Top Most Wanted sa Station level at No. 8 Top Most Wanted person sa Regional Level dahil sa kaso nitong human trafficking.
Arestado din ang itinuturing na No. 5 top most wanted sa Station level na si Nelson Martini Cabutotan dahil sa paglabag nito sa RA 10883 o Carnapping.
Naaresto din si Rowell Jucutan Tejano na itinuring bilang No. 10 top most wanted sa station level dahil sa kaso nitong paglabag sa Anti-Violence against Women and their Children Act of 2004.
Nasa kustodiya na ng pulisya ang tatlong personalidad para sa documentation bago ang turn-over sa issuing court.
