30 nitso sa Catholic cemetery sa Cotabato City, nawasak

CENTRAL MINDANAO – Umaabot sa 30 mga nitso sa Catholic Cemetery sa Cotabato City ang nawasak nang mabagsakan ng malaking puno ng acacia tree.

Ayon kay Reggie Tibalan ang sepulturero ng sementeryo, bumagsak sa mga nitso ang napakalaking puno ng acacia sa Catholic cemetery sa Barangay Rosary Heights 1, Cotabato City.

Nanawagan si Tibalan sa may mga kaanak na nakalibing sa sementeryo na tingnan ang mga puntod ng kanilang mga mahal sa buhay.

Kinumpirma rin ni Tibalan na may mga labi pa nasa state of decomposition at nangangamoy.

Pinaplano na ngayon ng LGU-Cotabato City kung paano makakatulong para maayos ang 30 nitso na nabagsakan ng puno.