-- Advertisements --
BAGUIO CITY – Itinuturing ni Cadet First Class Jahziel Tandoc mula Ampasit Wangal, La Trinidad na malaking tagumpay ang pagiging 3rd Placer nito sa “PMA Mabalasik Class of 2019”.
Sinabi niya sa panayam sa kanya ng Bombo Radyo-Baguio na ginawa niya ang lahat ng kanyang makakaya para manatili ito sa listahan ng academic honors ng akademya.
Ibinahagi pa nito na naging pangunahing inspirasyon niya sa kanyang pagpupunyagi sa PMA ang panganay nitong kapatid na nagtapos din sa akademya.
Ipinagmalaki ng kanyang ama na si Teodulo Tandoc ang nakamit nitong tagumpay.
Sinabi ng ama na bilang magulang ay ibinigay nito ang buong-pusong suporta niya sa pag-aaral ng kanyang anak sa akademya sa loob ng apat na taon.
