BAGUIO CITY – Arestado ang isang lalaki habang naipasakamay naman sa Municipal Social Welfare Development Office (MSWDO) ang tatlong kabataang kasama nito nang natuklasan ang umano’y paggamit nila ng iligal na droga sa lugar malapit sa isang paaralan sa Zone 3 , Bangued, Abra.
Nakilala ang nahuling na si Jewel Guinsay, 20-anyos habang ang tatlong menor de edad na kasama nito ay mga ALS Students.
Ayon sa Bangued Municipal Police Station, tumawag ang isang concerned citizen sa himpilan ng pulisya at naireport ang ginagawa ng mga suspects at nang magresponde ang mga pulis ay agad namang nahuli ang mga ito.
Narekober mula kay Guinsay ang isang pakete ng naglalaman ng marijuana habang narekober naman sa bag ng isa sa mga menor de edad ang iba’t-ibang drug paraphernalia na kanilang ginamit sa pot session.
