Arestado ang apat na drug suspeks sa ikinasang anti-illegal drugs operation ng mga tauhan ng Manila Police District – Special Drug Enforcement Unit (SDEU) bandang alas-9:30 kagabi sa may bahagi ng Herrera St. near corner Rizal Ave Brgy. 346 Sta Cruz, Manila.
Nakilala ang mga nahuling drug suspeks na sina Alma Graganta, 45 years old; Romelito Rivera, 50 years old; Angelo Foronda,31 years old; at Armando Dacio,43 years old.
Ayon kay NCRPO chief BGen. Vicente Danao Jr, nakatanggap ng impormasyon ang mga pulis hinggil sa nangyayaring drug trade transaction sa nasabing lugar na agad inaksiyunan ng mga pulis at dito nahuli ang mga nasabing drug personalities.
Nakuha sa kanilang posisyon ang limang piraso na heat-sealed transparent plastic sachet na naglalaman umano ng shabu na may timbang na 13 gramo at nagkakahalaga ng P88,400.00.
Kasaong paglabag sa illegal drugs ang kahaharapin ng mga suspeks.
