CEBU – Apat na Chinese national ang napatay sa isinagawang rescue operation sa joint police operation sa pangunguna ng Anti Kidnapping Group (AKG) -7, RID -7, RSOG-7, CIU sa Lapu-Lapu City.
Naganap ang operasyon sa isang bahay na inuupahan ng mga hinihinalang Chinese national sa Aldea Sol Subdivision ng Barangay Bangkal sa nasabing syudad.
Ibinunyag ni Lapu-lapu City Mayor Junard “Ahong” Chan na personal na nagtungo sa lugar na isang 70-anyos na Chinese national na negosyante ang dinukot din ng mga suspek.
Ang ginawang pagrescue ng mga pulis ay nagresulta sa palitan ng putok sa pagitan ng mga “Bigtime” Criminal suspects.
Dinala rin sa ospital ang nakaligtas na 70-anyos na Chinese national matapos nanghina ang katawan kasunod ng pagdukot sa kanya.
