4 nasawi at 6 sugatan sa vehicular accident sa Kalamansig Sultan Kudarat

CENTRAL MINDANAO-Patay ang apat katao at anim ang nasugatan sa nangyaring vehicular accident sa lalawigan ng Sultan Kudarat.

Ayon sa ulat ng Lebak PNP na lulan ang mga biktima sa Delica Van sa bahagi ng Sitio Babangkaw Barangay Paril Kalamansig Sultan Kudarat.

Nawalan umano ng preno ang sasakyan kaya tuloy-tuloy itong bumulusok sa malalim na bahagi sa gilid ng kalsada at bumangga sa puno ng niyog.

Apat ang nasawi sa aksidente habang ang mga sugatan ay agad dinala sa pagamutan.

Sa ngayon ay nagpapatuloy ang imbestigasyon ng Kalamansig PNP sa naturang insidente.