ROXAS CITY – Patuloy na inaalam ng Municipal Disaster Risk Reduction and Management Office (MDRRMO) Balud sa bayan ng Masbate ang pagkakilanlan ng 4 katao na kanilang na rescue sa karagatan ng Balud, Masbate.
Sa inisyal na pahayag ni Mrs. Myrna Jacinto ng MDRRMO Balud, sa apat na kanilang na rescue, 3 dito ang buhay at isang bata na tinatayang 3 hanggang 5 taong gulang ang patay.
Sa ngayon, dinala na sa ospital sa Masbate ang mga na rescue.
Samantala, sa panayam ng Bombo Radyo-Roxas sa pamilya Moncillo sa Bangkal, Carles, Iloilo, sinabi dito na ang inisyal na impormasyon na kanilang natanggap na ligtas sina Romeo Bataican asawa na si Rhoda Moncillo at anak na si Romelyn Bataican, habang ang anak ng mag-asawa na si RB Batican ang patay .
Sa ngayon, patuloy ang ginagawang search and rescue operation ng mga coastguards sa lugar sa pagbabasakali na matagpuan ang natirang apat na indibidwal.
