KORONADAL CITY – Nagpapatuloy sa ngayon ang imbestigasyon ng mga otoridad sa nangyaring pananambang-patay sa apat na sibilyan sa bahagi ng Ginatilan, Pikit Cotabato.
Kinilala ng Pikit PNP ang mga biktima na sina Kalid Selongan, 28 anyos, Ray Dodong Santander Benias, 47 anyos, Welliam Cantonis, 41 anyos at Darwin alyas Bugoy Cantonis, 28 anyos at kapwa residente ng Brgy. Fort, Pikit, Cotabato.
Lymabas sa imbestigasyon ng Pikit PNP na habang sakay ng isang kulay itim na Bajaj Motorcycle na may plate no. AN0296 ang mga biktima ay hinarang at tinambangan ang mga ito ng hindi pa matukoy na bilang ng suspek at saka pinagbabaril.
Nagtangka pa umanong tumakas ang mga biktima ngunit dahil sa tama ng bala sa ibat-ibang bahagi ng katawan ng mga ito ay binawian ng buhay.
Agad naman na tumakas ang mga suspek sa hindi malamang direksyon habang narekober sa crime scene ang pinaniniwalaang mga bala ng M16 rifle.
Sa ngayon inaalam pa ang motibo nang madugong pananambang-patay mga biktima at inaalam din kung may mga CCTV footage na posibleng makatulong sa pagresolba ng krimen.
