-- Advertisements --
TACLOBAN CITY – Patuloy pang nilalapatan ng lunas ang apat na indibidwal na naitalang sugatan matapos na mahulog sa bangin ang isang pampasaherong bus sa Purok 5 Brgy. Cagnipa, Tinambacan District, Calbayog City.
Ayon kay PSMsgt Charles Liporada ng Calbayog PNP, na galing Pasay at biyahe sanang pa tacloban ang naturang bus nang mag over take ito sa nakaparadang truck sa naturang lugar.
Sakto naman na mayroon itong kasalubong na isa pang sasakyan.
Ayon sa imbestigasyon na nasa kurbadang daan ito na kung saan ay nawalan ng kontrol ang driver na naging dahilan sa pagkahulog nito.
Dahil dito ang isang bahay ang apektado at nasa apat na residente ang sugatan.
Nakahanda naman di umano ang bus line na magbigay ng tulong sa mga biktima.
