-- Advertisements --
CENTRAL MINDANAO- Sugatan ang apat katao sa pamamaril at panghahagis ng Granada alas 10:05 nitong gabi ng Miyerkules sa probinsya ng Cotabato.
Ayon sa ulat ng Matalam PNP na may binaril malapit sa isang tindahan sa Purok Uno Barangay Kilada Matalam Cotabato at sinundan nang panghahagis ng Granada.
Mabilis namang tumakas ang mga suspek sakay ng motorsiklo patungo sa direksyon ng bayan ng Kabacan Cotabato.
Isa ang nasugatan sa pamamaril at tatlo sa pagsabog ng granada na agad dinala sa pagamutan.
Sa ngayon ay nagpapatuloy pa ang imbestigasyon ng Matalam Municipal Police Station (MPS) sa magkasunod na insidente.
