ROXAS CITY – Sugatan ang apat katao matapos magsalpukan ang dalawang tricycle sa Barangay Tanza Gua, Roxas City.
Nagtamo ng sugat sa katawan ang mga biktima na sina Bertito Bolina, 62, driver ng tricycle kasama ang mga pasahero na sina Arlene Bolina, 64; Lenly Bolina, 35, at isang menor de-edad pawang mga residente ng bayan ng Pontevedra, Capiz.
Batay sa imbestigasyon ng Roxas City PNP binabaybay ng tricycle na minamaneho ni Bolina ang kalsada ng magkasalubong sila ng isang tricycle na minamaneho ni Roseller Late, 45, ng Barangay Bagacay, Panay, Capiz at nagkasalpukan.
Dahil sa aksidente ay dinala sa ospital ang apat kabilang ang driver na si Bolina para magamot ang kanilang mga sugat.
Samantala boluntaryo namang sumuko sa istasyon ng pulisya ang driver ng isang tricycle na si Late.
