-- Advertisements --
BUTUAN CITY – Kinukumpuni na ng airline mechanic ng Cebu Pacific ang isa sa kanilang mga eroplano na hindi natuloy ang biyahe kahapon dahil sa nasirang isa sa mga pakpak nito.
Napag-alamang umabot sa 41 mga pasahero ang hindi natuloy sa kanilang biyahe kahapon patungong sa Mactan City sa Cebu dahil sa nasabing technical problem na hatid umano sa malakas na turbulence.
Dahil dito’y binigyan ng accommodation ang mga pasahero kungsaan may bumiyahe via Butuan City patungong Cebu habang ang ang iba ay sumakay ng barko at ang iba naman ay inilipat sa ibang flight.
Bilang pagtalima sa palisiya ng airline, binigyan sila ng libreng round trip accommodation sa kanilang pipiliing araw sa pagbiyahe.
