CENTRAL MINDANAO-Binawian ng buhay ang isang 4Ps Coordinator sa pamamaril sa lungsod ng Cotabato.
Nakilala ang biktima na si Nida Pagabangan Karim,51 anyos,may asawa at Coordinator ng Pantawid Pamilyang Pilipino Program at residente ng Yap Sy Street Cotabato.
Ayon sa ulat ng Cotabato City Police Office na naglalakad lamang ang biktima sa Andres Alonzo Street, barangay Rosary Heights 10, Cotabato City nang bigla itong pagbabarilin ng riding in tandem suspects gamit ang kalibre.45 na pistola.
Mabilis namang tumakas ang mga suspek patungo sa liblib na lugar sa lungsod ng Cotabato.
Agad dinala ang biktima sa Cotabato Regional and Medical Center (CRMC) ngunit hindi na ito umabot ng buhay nang magtamo ng tama ng bala sa dibdib at tiyan.
Sa ngayon ay nagpapatuloy ang imbestigasyon ng pulisya sa pamamaril patay sa biktima.
