Patay ang itinuturing na limang notorious drug personalities sa isinagawang buy bust operations sa Tawi-Tawi.
Ayon kay Western Mindanao Command (Wesmincom) chief Lt. Gen. Cirilito Sobejana, kasama ang PDEA at Tawi-Tawi police, nagsagawa ang Marine Batallion Landing Team-6 ng buy bust operation sa Sitio Pahapatan, Barangay Baldatal Islam, Sapa-Sapa, Tawi-Tawi.
Ayon kay Sobejana sinubukan umanong tumakas ng suspek na si Odin Masihul at nagpaputok ng baril sa mga otoridad dahilan para gumanti ng putok ang mga operatiba na naging dahilan para ito ay masawi.
Maliban kay Masihul, patay din ang apat pang mga drug suspects.
Dalawang miyembro naman ng Marines ang sugatan at kasalukuyang ginagamot sa Bongao hospital.
Sinabi ni Sobejana, katuwang ng PNP at PDEA ang militar sa kampanya laban sa iligal na droga.
